Маҷмӯи маҳсулоти минтақавӣ дар вилояти Хатлон зиёд шудааст

Душанбе, 19.04.2016 /АМИТ «Ховар/. Дар семоҳаи якуми соли равон маҷмӯи маҳсулоти минтақавӣ дар вилояти Хатлон ба 1 миллиарду 979 миллион сомонӣ расид, ки дар муқоиса бо ҳамин давраи соли гузашта 283 миллион сомонӣ зиёд буда, афзоиш 6,6 фоизро ташкил дод.
Ин нишондиҳанда ба сари ҳар як нафар аҳолӣ 649 сомониро ташкил дод, ки нисбат ба ҳамин давраи соли гузашта 80 сомонӣ зиёд мебошад.
Дар ин давра иҷрои нақшаи қисми даромади буҷети маҳаллӣ 113 фоиз таъмин шуда, ба буҷет 192 миллион сомонӣ ворид гардид, ки нисбат ба нақшаи пешбинишуда 21,6 миллион сомонӣ ва ҳамин давраи соли 2015-ум 56,4 миллион сомонӣ зиёд мебошад.