Мосул аз ДИ озод карда мешавад

Душанбе, 12.04.2016. /АМИТ «Ховар»/. Муовини президенти ИМА Ҷо Байден рӯзи душанбе бо сарвазири Ироқ Ҳайдар ал-Ибодӣ ва президенти Курдистони Ироқ Масъуд Барзанӣ суҳбатҳои телефонӣ анҷом дода, зимни онҳо имконияти озод намудани дуввумин шаҳри калонтарини Ироқ — Мосулро, ки зери назорати гурӯҳи террористии ба ном «Давлати исломӣ» қарор дорад, баррасӣ кард. Дар ин бора РИА «Новости» бо такя ба Кохи Сафед хабар дод.
«Роҳбарон зарурати фаврии ноил шудан ба пешрафти муттасил дар мубориза бо ДОИШ ва ҳамкорӣ оид ба озод намудани Мосулро таъкид доштанд», — гуфта мешавад дар изҳороти Кохи Сафед.