Мусодираи «Pine» аз дохили халтаҳои шакар

Душанбе, 28.04.2016./АМИТ «Ховар»/. Боз як кӯшиши интиқоли ғайриқонунии тамоку ба ҳудуди  ҷумҳурӣ аз Афғонистон аз ҷониби гумрукчиёни тоҷик ҷилавгирӣ карда шуд.
Дафтари матбуоти Хадамоти гумруки назди Ҳукумати ҷумҳурӣ иттилоъ медиҳад, ки ҳангоми гузаронидани муоинаи гумрукии мошини тамғаи «Дулан», ки  шаҳрванд А.А идора мекард,  аз дохили халтаҳои шакар 300 қуттӣ тамокуи тамғаи «Pine», истеҳсоли Кореяи Ҷанубӣ мусодира карда шуд. Номбурда мехост, ин миқдор маҳсулоти тамокуро бо роҳи қочоқ аз Афғонистон ба қаламрави Тоҷикистон интиқол диҳад.
Нисбат ба ин амали шаҳрванд А.А.  парвандаи маъмурӣ боз карда шудааст.