Мусодираи зиёда аз 5 кило маводи кимиёвии симоб
Душанбе, 16.04.2016 /АМИТ «Ховар»/. 15 апрел зимни гузаронидани чорабиниҳои фаврӣ-ҷустуҷӯӣ дар ҳудуди шаҳри Душанбе, кормандони фаврии милитсия ду нафар шаҳрванд: сокинони 63-солаи шаҳри Ваҳдат ва 46-солаи шаҳри Душанберо бо гумони муомилоти ғайриқонунӣ бо маводи кимиёвии симоб дастгир намуданд.
Дар вақти кофтукови шахсӣ аз гумонбаршудаи аввал 4 килою 910 грамм ва аз гумонбаршудаи дуюм 1 килою 012 грамм металли моеъи симоб дарёфт ва мусодира гардид.
Ҷамъи маводи кимиёвии симоби мусодирашуда, ки ташхиси Озмоишгоҳи илмию тадқиқотӣ онро тасдиқ мекунад, 5 килою 922 граммро ташкил медиҳад.
Нисбат ба далелҳои мазкур бо дастрасии моддаи 193 (муносибати ғайриқонунӣ бо маводи радиоактивӣ) Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтишот идома дорад.
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
