Озмуни ҷумҳуриявии «Бонуи соҳибкори сол» дар Кӯлоб оғоз шуд

Душанбе, 28.04.2016. /АМИТ «Ховар»/. Даври  якуми озмуни ҷумҳуриявии «Бонуи соҳибкори сол» ва дарёфти ҷоизаи «Фараҳ — 2016» дар ҳамкорӣ бо Ташкилоти ҷамъиятии Ассотсиатсияи миллии занҳои соҳибкори Тоҷикистон ва дастгирии Кумитаи кор бо занон ва оилаи назди Ҳукумати Ҷумҳурии Тоҷикистон дар шаҳри Кӯлоб ифтитоҳ шуд.

Дар кори озмун бонувони соҳибкор ва тоҷирони шаҳр иштирок намуда, фаъолияти тиҷоратӣ ва соҳибкории худро муаррифӣ намуданд.
Чорабинии мазкур барои баланд бардоштани мақому манзалати зан дар ҷомеа, рушди фаъолияти соҳибкории бонувон ва паҳн намудани таҷрибаи пешқадами соҳибкорӣ равона карда шудааст.