Парлумон ба Созишнома оид ба идораи маблағҳои Хазинаи зиддибуҳронӣ тағйирот ворид менамояд

Душанбе, 11.04.2016./АМИТ Ховар/. Лоиҳаи Қонуни Ҷумҳурии Тоҷикистон «Дар бораи фаъолияти башардӯстонаи зидди минаҳо» 11 апрел дар ҷаласаи навбатии Шӯрои палатаи поёнии Парлумони ҷумҳурӣ баррасӣ гардид.
Аз палатаи поёнии Парлумони кишвар ба АМИТ „Ховар иттилоъ доданд, ки дар ҷаласа аъзои Шӯрои Маҷлиси намояндагон ҳамзамон Протокол оид ба ворид намудани тағйирот ба «Созишнома дар бораи идораи маблағҳои Фонди зиддибуҳронии Иттиҳоди иқтисодии Евразия аз 9 июни соли 2009», «Шартномаи консессияи Неругоҳи барқи ҳароратии «Шӯроб» байни Ҳукумати Ҷумҳурии Тоҷикистон ва ширкати «Hos Powertech International SDNBND»-ро муҳокима намуданд.