Пешгирии саратони ғадуди ширӣ дар Хатлон

Душанбе, 2.04.2016. (АМИТ «Ховар»). “Саратони ғадуди ширӣ”, “Ташхис ва муоинаи бемории саратон дар кӯдакон” ва “Гемангиомаи пӯст”- таҳти чунин унвонҳо дар толори Раёсати тандурустии мақомоти иҷроияи ҳокимияти давлатии вилояти Хатлон ҳамоиш доир гашт.
Масъулин мақсади гузаронидани ҳамоишро пешгирии саривақтии бемориҳои саратон ва ташхиси онҳо арзёбӣ намуданд.
Муовини директори Муассисаи давлатии Маркази ҷумҳуриявии илмии саратоншиносӣ оид ба корҳои илмӣ З. Баротов оид ба бемориҳои саратон ва гемангиомаи пӯст маълумот дод.
Дар ҳамоиш табибони бемориҳои пӯсту зӯҳравӣ, табибони кӯдакона ва табибони момодоя аз шаҳру ноҳияҳои вилоят иштирок намуданд.