«Рӯзи варзиш» дар Хатлон

Қӯрғонтеппа, 5.04.2016. /АМИТ «Ховар»/. Бо мақсади оммавигардонии варзиш, тарғиби тарзи ҳаёти солим ва ҷалби бештари сокинон ба машқу тарбияи бадан, дар саросари вилояти Хатлон «Рӯзи варзиш» баргузор гардид.
Дар ин чорабинии варзишӣ дар шаҳри Қӯрғонтеппа 1500 нафар дар дигар шаҳру ноҳияҳои вилоят 10 500 нафар сокинон ба варзиш ҷалб шуданд.
Чорбинӣ бо мақсади иҷрои дастуру супоришҳои Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон зимни мулоқот бо ҷавонони фаъоли мамлакат 23 майи соли 2013 роҳандозӣ щуда, рӯзи шанбеи ҳар ҳафта «Рӯзи варзиш» эълон гардид.