Рашт: Ҷавонон ихтиёрӣ ба хизмати аскарӣ мераванд

Рашт, 6.04.2016/АМИТ «Ховар»/. Даъвати ҷавонон ба сафи қувваҳои мусаллаҳи Ҷумҳурии Тоҷикистон дар ноҳияҳои водии Рашт дар сатҳи баланд идома дорад.
Тавре ки маълум аст, мақомотҳои иҷроияи ҳокимияти давлатии ин ноҳияҳо барои бедор шудани ҳисси ватандӯстии ҷавонон ва соҳибмаърифат гардидани онҳо бо мақомотҳои ҳифзи ҳуқуқ корҳои фаҳмондадиҳӣ ва таблиғотӣ ба роҳ монда буданд, ки дар натиҷа дар рӯзи якуми даъвати баҳорӣ дар ноҳияҳои Тоҷикобод 22 нафар, яъне 60 %, Лахш 25 нафар- 50 % ва Сангвор 11 нафар- 50 % ихтиёрӣ ба сафи Қувваҳои мусаллаҳи кишвар пайвастанд.