Сафарбарии 433 нафар муҳоҷири меҳнатӣ ба Русия ва Қазоқистон
Душанбе, 12.04.2016. /АМИТ «Ховар»/. 433 муҳоҷири меҳнатӣ ба Федератсияи Русия ва Ҷумҳурии Қазоқистон сафарбар шуданд. Тавре аз Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон иттилоъ доданд, аз 9 то 11 апрел дар ҳамкорӣ бо Раёсати Хадамоти муҳоҷират дар вилояти Суғд сафарбарии муҳоҷирони меҳнатӣ аз ҷониби субъектҳои хоҷагидори вилояти Суғд ба роҳ монда шуд.
Аз ҷумла, ҶДММ “Роҳи Абрешим” 167 нафар, ҶДММ “Иттиҳодияи автовокзалҳо” 107 нафар, ҶДММ “Сомонэкспрестранс” 70 нафар, Филиали ҶДММ “Суғдиён Помир тур” 24 нафар ва ҶСК “Нақлиёт” 15 нафар муҳоҷирони меҳнатиро ба Федератсияи Русия равон карданд.
Бино ба иттилои сарчашма, муҳоҷирони меҳнатӣ асосан минтақаи Сибир — шаҳрҳои Сургут, Новосибирск, Красноярск, Ижевск, Нефтеюганск ва Новокузнетскро интихоб намуданд. Аз шумораи умумӣ 24 нафар муҳоҷиронро филиали ҶДММ “Суғдиён Помир тур” ба Қазоқистон сафарбар намуд. Дар маросими гусел муҳоҷирони меҳнатӣ аз ҷониби кормандони Раёсат бо маводи ташвиқотию тарғиботӣ таъмин гардида, бо қоидаҳои муҳоҷирати бехатар шинос шуданд.
Имрӯз дар шаҳри Душанбе ҳаво то 40 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
