«Серена», «Мерве» ва «Сирдарё»-беҳтаринҳои Душанбе

Душанбе, 14.04.2016/АМИТ «Ховар/. «Серена» беҳтарин меҳмонхонаи Душанбе ва «Мерве»-ю «Сирдарё» беҳтарин тарабхонаю ошхонаи пойтахт дар асоси ҷамъбасти озмуни шаҳрдории Душанбе эътироф гардиданд.
Интизор меравад, ки ғолибони ин озмун дар Рӯзи пойтахт, ки ҳамасола шанбеи сеюми моҳи апрел таҷлил мегардад, бо Ифтихорномаи мақомоти иҷроияи маҳаллии ҳокимияти давлатӣ дар шаҳри Душанбе ва Ҷоми фахрии ғолиб сарфароз гардонида шаванд.