Суғд: Дар семоҳаи аввал ба 14 давлати ҷаҳон маҳсулот содирот шудааст

Душанбе, 19.04.2016 /АМИТ «Ховар/. Корхонаҳои саноатии шаҳри Хуҷанд давоми семоҳаи аввали соли равон ба миқдори 174,3 миллион сомонӣ маҳсулот истеҳсол намуданд.
Ҳаҷми маҳсулоти саноатии истеҳсолшуда нисбат ба ҳамин давраи соли гузашта 35,5 миллион сомонӣ ё 25,6 дарсад афзоиш ёфтааст. Дар ин давра ба маблағи 24 миллион сомонӣ маҳсулот ба 14 давлати хориҷи кишвар содирот карда шудааст, ки он тамоюли афзоиш дошта, барои рушди иқтидори содиротии шаҳр заминаи устувор мегузорад.
Илова бар ин зикр кардан ба маврид аст, ки ҳаҷми истеҳсоли маҳсулоти саноати сабук дар давраи ҳисоботӣ ба 57,3 миллион сомонӣ расонида шуда, саҳми он дар ҳаҷми умумии истеҳсоли маҳсулоти саноатии шаҳр (бе назардошти тақсимоти қувваи барқ, гази табиӣ, истеҳсол ва тақсимоти об) 35,5 фоизро ташкил медиҳад.