Суиистифодаи ҷангалбон аз мақоми хизматӣ

Душанбе, 29.04.2016./АМИТ«Ховар»/. Мақомоти прокуратура ҳолати иҷрои қонунгузории ҷангалро дар шаҳри Ҳисор мавриди санҷиш қарор дод. Дар натиҷаи санҷиш муайян гардид, ки А.К. Бобокалонов, ҷангалбони Муассисаи давлатии хоҷагии ҷангали ноҳияи Ҳисор бо суиистифода аз мақоми хизматӣ моҳи ноябри соли 2015 худсарона ду адад дарахти дар сабзиш қарордоштаи навъи акатсияро, ки дар ҷангалзори минтақаи Алмосӣ ҷойгир буд, ғайриқонунӣ бурида, ба  хоҷагии ҷангал 1560 сомонӣ зарар расонидааст.
Аз рӯи ин ҳолат нисбат ба  А. К. Бобокалонов бо моддаи 234, қисми 2, банди «б» Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида,  тафтишоти пешакӣ идома дорад.
Дар ин бора аз Маркази матбуоти Прокуратураи генералии Ҷумҳурии Тоҷикистон иттилоъ доданд.