Таэквондочиёни тоҷик аз роҳхатҳои олимпӣ маҳрум шуданд
Душанбе, 18.04.2016 /АМИТ «Ховар»/. Варзишгарони тоҷик дар мусобиқоти интихобӣ дар риштаи таэквондо WTF ду медали биринҷӣ ба даст оварданд, вале аз роҳхатҳои олимпӣ маҳрум шуданд. Тавре аз хадамоти матбуотии Кумитаи миллии олимпии Тоҷикистон хабар доданд, варзишгарони тоҷик дар мусобиқоти интихобӣ дар риштаи таэквондо WTF барои дарёфти роҳхатҳо ба Бозиҳои XXXI тобистонаи олимпӣ дар Рио-де-Жанейрои Бразилия, ки 16-17 апрел дар Филиппин баргузор шуд, ду медали биринҷӣ ба даст оварданд.
Дар сабқати мардон Алишер Гулов дар рақобатҳо дар вазни беш аз 80 килограмм ҷойи севумро гирифт ва бо медали биринҷӣ сарфароз гашт. Дар ин вазн Кияо Сен аз Чин ғолиб шуд. Руслан Жапаров аз Қазоқистон мақоми дувумро аз они худ кард.
Дар сабқати занон Моҳрӯ Ҳалимова дар рақобатҳо дар вазни беш аз 67 килограмм севум шуд ва медали биринҷӣ ба даст овард. Дар ин вазн Сорн Сивмей аз Камбоҷа ғолиб шуд. Алора Кисти аз Филиппин мақоми дувумро гирифт. Ду варзишгари дигари тоҷик Фарҳод Неъматов (-80 кг) ва Фарзона Раҷабова (-49 кг) дар даврҳои муқаддамотӣ аз рақибонашон шикаст хӯрданд.
Ба ин тартиб, варзишгарони тоҷик дар ин намуд аз охирин имконияти худ барои дарёфти роҳхатҳо ба Бозиҳои XXXI тобистонаи олимпӣ истифода карда натавонистанд ва аз роҳхатҳо ба Рио-2016 маҳрум шуданд.
Ёдовар мешавем, ки дар Олимпиадаи Лондон-2012 Тоҷикистонро дар ин ришта ду нафар – Фарҳод Неъматов ва Алишер Гулов намояндагӣ карда буданд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
