Теъдоди намояндагиҳои ширкатҳои покистонӣ дар Тоҷикистон меафзояд

Душанбе, 15.04.2016 /АМИТ «Ховар/. «Ба наздикӣ намояндагии се ширкати покистонӣ дар Тоҷикистон ба фаъолият оғоз мекунад», иттилоъ дод муовини раиси Палатаи савдо ва саноати Ҷумҳурии Тоҷикистон Манзура Рустамова дар маросими ифтитоҳи Намоишгоҳи дуюми байналмилалии «Истеҳсоли Покистон».
Ба гуфтаи М. Рустамова, ин ширкатҳо марбут ба соҳаҳои саноати сабук ва сохтмон мебошанд, ки баъди ба фаъолият шурӯъ кардан якчанд нафар сокини мамлакат соҳиби ҷойи кор мешаванд.