TM-International дар шаҳрҳои калони Тоҷикистон намоишгоҳ баргузор менамояд

Душанбе, 15.04.2016/АМИТ «Ховар»/. Беш аз 15 донишгоҳи бонуфузи кишварҳои ҷаҳон, назири Амрико, Олмон, Британияи Кабир, Малайзия, Кипр дар 18-умин намоишгоҳи байналмилалии таълимӣ, ки аз 19 то 23 апрел дар шаҳрҳои калони Тоҷикистон доир мегардад, ширкат менамоянд.
Намоишгоҳи мазкур бо ибтикори ширкати муштараки байналмилалии Тоҷикистон-Малайзия — TM-International дар ҳамкорӣ бо Палатаи савдо ва саноати Ҷумҳурии Тоҷикистон, дастгирии Ҳукумати Ҷумҳурии Тоҷикистон ва Вазорати маориф ва илми Ҷумҳурии Тоҷикистон гузаронида мешавад.
Ин намоишгоҳ дар шаҳрҳои Душанбе, Қурғонтеппа ва Хуҷанд гузаронида шуда, донишҷӯён ва хоҳишмандон имкон доранд бо усулҳои таҳсил дар донишгоҳҳои кишварҳои хориҷӣ шинос гарданд ва ҳангоми суҳбат бо намояндагони донишгоҳҳои кишварҳои хориҷӣ оид ба сатҳу сифати таҳсил дар ин кишварҳо иттилои бештар пайдо намоянд.