Қурғонтеппа: оғози бозиҳои варзишии мактаббачагон

Душанбе, 27.04.2016 /АМИТ«Ховар»/. Дар шаҳри Қурғонтеппа бахшида ба 25 — солагии Истиқлолияти давлатии Ҷумҳурии Тоҷикистон  аз 13 апрел то 14 майи соли равон  бозиҳои варзишии мактаббачагон оғоз гардид.
Қаҳрамон  Бобохонов,  котиби матбуотии  мақомоти ичроияи ҳокимияти давлатии шаҳр  дар ин бора хабар дода, зикр намуд, ки бозиҳои варзишӣ дар муассисаҳои таълимии шаҳр доир гардида, дар он хонандагон аз рӯи намудҳои футбол, волейбол, баскетбол, варзиши сабук, тенниси рӯи миз ва гӯштини миллӣ байни ҳам қувва меозмоянд. Ғолибони озмун бо ҷом, диплому ифтихорнома ва дигар туҳфаҳои бахши ҷавонон, варзиш ва сайёҳии мақомоти ичроияи хокимияти давлатии шаҳр мукофотонида мешаванд.
-Ҳадаф аз баргузории бозиҳои варзишии мактаббачагон  рушди варзиш, густариши дӯстию рафоқат ва солимгардонии наврасону ҷавонон аст,- таъкид намуд Қ.Бобохонов.