Вакилони шаҳрӣ Озода Раҳмонро номзад ба узвияти ММ МО ҶТ пешбарӣ карданд

Душанбе, 15.04.2016/АМИТ «Ховар»/. Озода Раҳмон-роҳбари Дастгоҳи иҷроияи Президенти Ҷумҳурии Тоҷикистонро вакилони Маҷлиси шаҳрӣ дар иҷлосияи панҷуми Маҷлиси вакилони халқи шаҳри Душанбе номзад ба узвияти Маҷлиси миллии Маҷлиси Олии Ҷумҳурии Тоҷикистон пешбарӣ намуданд.
Маҷлиси миллӣ -палатаи болоии Парлумони Тоҷикистон маҳсуб шуда, 33 аъзо дорад. 25 аъзои Маҷлиси миллӣ тавассути овоздиҳӣ дар иҷлосияҳои маҷлисҳои вакилони Вилояти Мухтори Кӯҳистони Бадахшон, вилоятҳои Суғду Хатлон, ноҳияҳои тобеи марказ ва шаҳри Душанбе интихоб карда мешаванд.
8 нафар аъзои палатаи болоии Парлумони мамлакат аз ҷониби Президенти кишвар таъйин гардида, нахустин Президенти Ҷумҳурии Тоҷикистон Каҳҳор Маҳкамов узви доимии Маҷлиси миллӣ мебошад.