ВКХ: вохӯрӣ бо роҳбари ҳайати ҳукуматии Амороти Муттаҳидаи Араб
Душанбе, 23.04.2016. /АМИТ «Ховар»/. 22 апрел муовини якуми вазири корҳои хориҷии Ҷумҳурии Тоҷикистон Низомиддин Зоҳидӣ бо роҳбари ҳайати ҳукуматии Амороти Муттаҳидаи Араб, муовини вазири корҳои хориҷии ин кишвар Холид Ғоним ал-Ғайс, ки барои иштирок дар ҷаласаи дуюми Комиссияи байниҳукуматӣ оид ба ҳамкории тиҷоратию иқтисодӣ ва илмию техникӣ дар шаҳри Душанбе қарор дорад, мулоқот кард.
Дар мулоқот ҷонибҳо роҳҳои тавсеаи ҳамкории дуҷонибаро дар партави татбиқи тавофуқҳое, ки дар ҳошияи сафари расмии Президенти Ҷумҳурии Тоҷикистон ба Амороти Муттаҳидаи Араб моҳи марти соли равон ҳосил шуданд, баррасӣ намуданд. Ҷиҳати иҷрои амалии ҳадафҳои Протоколи ҷаласаи дуюми Комиссияи байниҳукуматӣ бар аҳамияти таҳкими беш аз пеши робитаҳо байни вазорату идораҳо ва доираҳои алоқаманди ду кишвар таъкид гардид.
Ҳамчунин роҷеъ ба ҳамкории бисёрҷонибаи ду кишвар ва муборизаи муштарак бар зидди чолишҳои амнияти минтақа ва ҷаҳон табодули назар сурат гирифт.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
