12 май дар ҷумҳурӣ Рӯзи «Шашмақом» ҷашн гирифта мешавад
Душанбе, 11.05.2016 /АМИТ «Ховар»/. Ба хотири эҳё ва рушду инкишофи санъати анъанавии миллии тоҷик ҳамасола 12 май дар ҷумҳурӣ Рӯзи «Шашмақом» ҷашн гирифта мешавад.
Ба иттилои Хуршед Низомов, сардори шуъбаи идоракунии корҳо ва назорати Вазорати фарҳанги Ҷумҳурии Тоҷикистон аз ҷониби мутахассисони соҳаи фарҳанг ва Академияи илмҳои Ҷумҳурии Тоҷикистон силсилаи тадбирҳо амалӣ гардиданд. Ба гуфтаи Хуршед Низомов, ҳоло феҳристи истилоҳоти «Шашмақом» пурра ба забони тоҷикӣ баргардон шуда, рӯзҳои наздик «Фарҳанги истилоҳоти «Шашмақом» рӯи чоп меояд ва ҳамчунин бахшида ба ҷашни 25- солагии Истиқлолияти давлатии Ҷумҳурии Тоҷикистон низ шашҷилдаи нави «Шашмақом» аз чоп бароварда мешавад.
Гуфта мешавад, ки тибқи нақшаи Вазорати фарҳанги Ҷумҳурии Тоҷикистон ва тасдиқи барномаи «Рушди санъати «Шашмақом» ва «Фалак» соли 2018 баргузории Симпозиуми байналмиллалии «Шашмақом» ва «Фалак» дар Ҷумҳурии Тоҷикистон пешбинӣ шудааст.
Ба хотири дар сатҳи баланд таҷлил намудани Рӯзи «Шашмақом» 11 май барномаи рангини фарҳангӣ дар Боғи «Ирам» ва 12 май барномаи консертӣ дар Филармонияи давлатии Тоҷикистон ба номи Акашариф Ҷӯраев дар назар дошта шудааст.
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
Имрӯз дар баъзе ноҳияҳои Тоҷикистон чангу ғубор ба амал меояд
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқаррар шудааст
