«Ҳафтаи поси хотир» ба ифтихори ҷашни Ғалаба
Душанбе, 06.05.2016/АМИТ «Ховар»/. Ба ифтихори Рӯзи Ғалаба дар Ҷанги дуюми ҷаҳонии солҳои 1941-1945 дар шаҳри Душанбе «Ҳафтаи поси хотир» гузаронида мешавад.
Тибқи қарори мақомоти иҷроияи ҳокимияти давлатӣ дар шаҳри Душанбе ба Кумитаи кор бо ҷанговарони интернатсионалисти Ҷумҳурии Тоҷикистон барои 7 май гузаронидани ҷамъомади поси хотири ҷанговарони интернатсионалист дар назди муҷассамаи Қаҳрамони Иттиҳоди Шӯравӣ Александр Мироненко иҷозат дода шудааст.
Инчунин ба ифтихори 71-умин солгарди ҷашни Ғалаба шоми 7 май дар Боғи устод Рӯдакӣ Фестивал-озмуни сурудҳои ватандӯстона таҳти унвони «Суруди сарбоз» миёни сарбозону афсарони қисмҳои низомии шаҳри Душанбе баргузор мегардад.
Дар доираи «Ҳафтаи поси хотир» ва таҷлили сазовори ҷашни Ғалаба дар ҶДҶ дар ноҳияҳои пойтахт ташкили силсилавохӯриҳо бо собиқадорони ҷангу меҳнат ва дигар чорабиниҳои гуногун дар ҳамкорӣ бо сохторҳои марбутаи пойтахт дар назар аст.
Бояд тазаккур дод, ки алҳол дар Ҷумҳурии Тоҷикистон 633 собиқадори ҶДҶ зиндагӣ менамоянд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
