Агентии обуҳавошиносӣ: «Рӯзҳои наздик ҳавои бебориш дар назар аст»

Душанбе, 24.05.16. /АМИТ «Ховар»/. Мувофиқи пешгӯии    ҳавошиносон   рӯзҳои наздик дар Тоҷикистон ҳавои тағйирёбандаи бебориш дар назар аст.
Тавре ки ба АМИТ «Ховар» аз Агентии обуҳавошиносии Тоҷикистон хабар доданд, 25-26 май дар минтақаи ҷанубии Тоҷикистон ҳавои софи бебориш дар назар дошта шуда, дар ноҳияҳои кӯҳии минтақаи шимолӣ эҳтимоли боридани борони кӯтоҳмуддат, раъду барқ ва дар водиҳо ҳавои бебориш пешгӯӣ мешавад.
Дар водиҳои вилояти Хатлон шабона 18-23, рӯзона 31-36 дараҷа гарм хоҳад шуд.
Дар вилояти Суғд  ҳаво шабона 16-20, рӯзона 29-34 дараҷа гарм мешавад.
Дар Душанбе  ҳавои тағйирёбандаи бебориш низ  дар назар аст. Ҳарорати ҳаво  шабона 12-14, рӯзона 30- 32 дараҷа гарм мешавад.
Дар ноҳияҳои тобеи марказ  ҳавои тағйирёбанда, дар баъзе ноҳияҳои кӯҳӣ боридани борони кӯтоҳмуддат дар назар дошта шудааст .Ҳарорат  шабона 11-16 дараҷа, рӯзона то 28-33 дараҷа мешавад.
Дар Вилояти Мухтори Кӯҳистони Бадахшон ҳавои тағйирёбанда шуда, боридани борони кӯтоҳмуддат дар назар аст. Ҳарорат дар ғарб шабона 7-12, рӯзона 21-26; дар шарқ шабона -1+4, рӯзона 11-16 дараҷа гармиро ташкил хоҳад дод.