Ҷаласаи навбатии Шӯрои ТШСИ дар Душанбе доир гардид
Душанбе, 20.05.2016 /АМИТ «Ховар»/. 18-уми май дар шаҳри Душанбе ҷаласаи III-юми Шӯрои Ташаббуси шаффофияти соҳаҳои истихроҷ (ТШСИ) дар Тоҷикистон таҳти раёсати муовини вазири молияи Ҷумҳурии Тоҷикистон — Раиси Шӯрои ТШСИ дар Тоҷикистон Меҳринамо Ҷонмамадова доир гардид.
Дар ҷаласа ҳайати Бонки ҷаҳонӣ таҳти роҳбарии Боубакар Бокоум иштирок дошт.
Дар ҷаласа лоиҳаи ҳисоботи солонаи корҳои анҷомдода оид ба амалисозии ТШСИ дар Тоҷикистон дар соли 2015 ва лоиҳаи нақшаи кории такмилёфта барои солҳои 2016-2017 баррасӣ ва тасдиқ шуданд. Ин санадҳо дар асоси талаботи ТШСИ таҳия шуда, якдилона дар ҷаласаи мазкур тасдиқ гардиданд.
Зимни ҷаласа намояндаи Бонки ҷаҳонӣ Боубакар Бокоум андеша ва тавсияҳои худро баён дошта, ба кори Шӯрои ТШСИ баҳои баланд дод. Ӯ зикр кард, ки ба Шӯро муяссар гардид, дар як муддати кӯтоҳ кори мушаххасеро анҷом диҳад ва ба натиҷаҳои дилхоҳ ноил гардад. Б. Бокоум ҳамчунин бовар кунонд, ки Бонки ҷаҳонӣ омода аст барои рушди минбаъда ва амалисозии ТШСИ дар Тоҷикистон кумаки молиявӣ расонад.
Муовини вазири молияи Ҷумҳурии Тоҷикистон М. Ҷонмамадова ҷаласаро натиҷагирӣ карда, ба роҳбари ҳайати Бонки ҷаҳонӣ Б. Бокоум ва аъзои гурӯҳи корӣ барои кори муштарак ва самарабахш изҳори сипос намуд ва афзуд, ки тамоми чорабиниҳои минбаъда дар вақти муайянгардида самаранок гузаронида мешаванд.
Дар Қазоқистон беш аз 6,5 ҳазор нафар бинобар обхезиҳо дар нуқтаҳои бехавф боқӣ мемонанд
Бар асари гармои шадид дар Бангладеш 10 нафар ҳалок шуд
Дар Кения бар асари пайомадҳои обхезӣ дар як моҳ беш аз 160 нафар ба ҳалокат расид
МегаФон Тоҷикистон мусобиқаҳои байналмилалии парапланеристонро дар Данғара дастгирӣ намуд
Дар ноҳияи Ховалинг дар 8 гектар боғи хуч бунёд карда шуд
Тоҷикистон ва Индонезия чорабиниҳои дарпешистода дар соҳаи дипломатияи обиро баррасӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Донишгоҳи давлатии Бохтар бо вакилон вохӯрӣ баргузор гардид
Бо фаъолону сокинони Ҷамоати деҳоти Даҳанаи ноҳияи Ёвон вохӯрии судманд доир гардид
Доир ба истифодаи самараноки замин ва нақши он дар таъмини амнияти озуқаворӣ машғулияти такмили ихтисос оғоз ёфт
«ИЛМ-ФУРӮҒИ МАЪРИФАТ». Дар Донишгоҳи техникии Тоҷикистон ғолибони даври аввали озмун қадрдонӣ шуданд
«КОРВОНИ КИТОБ». Он имрӯз ба шаҳри Бохтар расид
