Ҳамоиши «Ҷавонон ва раъйпурсӣ» дар Хатлон доир гардид

Қурғонтеппа, 10.05.2016. /АМИТ «Ховар/. Бо ташаббуси филиали Иттифоқи ҷавонони Тоҷикистон дар вилояти Хатлон бо мақсади рушди туризми дохилӣ, тарғиб ва даъват намудани сокинони вилоят барои иштироки фаъолона дар маъракаи муҳими сиёсии кишвар- раъйпурсии умумихалқӣ саёҳат ва ҳамоиш бо иштироки як гурӯҳ ҷавонон иборат аз 60 нафар гузаронида шуд.
Тавре сармутахассиси Раёсати ҷавонон, варзиш ва сайёҳии вилояти Хатлон- Беҳруз Бобоев иттилоъ дод, дар доираи чорабинӣ аъзои ИҶТ дар ҷойҳои серодам, бозору кӯчаҳои шаҳру ноҳияҳо ба сокинон маводи иттилоотиро оид ба зарурати раъйпурсии умумихалқӣ, боб ва моддаҳое, ки ба онҳо илова ва тағйирот ворид карда мешаванд, тақсим намуданд.