«Ҷавонон зидди ифротгароиянд»-суҳбати созанда дар ДМИТ
Душанбе, 12.05.2016 /АМИТ «Ховар»/. Бо мақсади пешгирии ҷавонон аз шомилшавӣ ба гурӯҳҳои ифротӣ ва дарки хатарҳои аз терроризму экстремизм бароянда имрӯз дар Донишкадаи молия ва иқтисоди Тоҷикистон вохӯрии донишҷӯёну устодон бо муовини директори Донишкадаи такмили ихтисоси кормандони Хадамоти гумруки назди Ҳукумати Ҷумҳурии Тоҷикистон Мирзо Абдуллоев баргузор шуд.
Тавре ки аз донишкадаи мазкур хабар доданд, Мирзо Абдуллоев дар бораи мафҳуми экстремизму терроризм, омилҳои асосии гаравиши ҷавонон ба гурӯҳҳои ифротӣ, хатарҳои ба Ҷумҳурии Тоҷикистон таҳдидкунандаи терроризми байналмилалӣ, нақши мақомоти қудратии кишвар дар пешгирии амалҳои террористӣ, хатарҳои ифротгароии динӣ ва дигар масъалаҳо рӯшанӣ андохт.
Гуфта шуд, ки имрӯз ифротгароӣ ва терроризм ҷиддитарин таҳдиди суботу амнияти ҷаҳониянд. Онҳо асосҳои маънавии ҷомеаро хароб карда, ҳуқуқу озодиҳои инсонро поймол ва ба ҷомеаи мутамаддин хатар эҷод мекунанд. Бинобар ин дар шароити кунунӣ ба хотири ҳифзи манфиатҳои давлатдории миллӣ ва таъмини рушди устувори иқтисодию иҷтимоӣ ва фарҳангӣ ҷавононро мебояд, ки зиракии сиёсиро аз даст надиҳанд ва номи пуршарафи донишҷӯиро бо талаби донишу илм баланд бардоранд.
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
