Базми ҷавонони ДМИТ бахшида ба 25-умин солгарди Истиқлолият

Душанбе, 21.05.2016 /АМИТ «Ховар»/. Дирӯз дар Донишкадаи молия ва иқтисоди Тоҷикистон дар доираи таҷлили Рӯзи оила, Рӯзи ҷавонони Тоҷикистон, ҷашнҳои Ваҳдати миллӣ ва 25-умин солгарди Истиқлолияти давлатии Ҷумҳурии Тоҷикистон маҳфили фарҳангӣ ва озмуни донишкадавии «Гулдухтарони донишкада» баргузор шуд.

Дар ҷамъомад озмуни «Гулдухтарони донишкада» дар сатҳи баланди ташкилӣ бо иҷрои шартҳои қироати шеър, тайёр намудани хӯришҳо, ороиши мӯйи сар ва намоиши либосҳои миллӣ доир шуд.

Донишҷӯдухтарон ҳунару маҳорати худро ба дараҷаи баланд нишон дода, аз уҳдаи шартҳои гузошташуда ба хубӣ баромаданд.

Дар маҳфил дастаи ҳаваскорони донишкада барномаи ҷолиби фарҳангиву фароғатии иборат аз суруду рақс, бадеҳа ва саҳначаи ҳаҷвиро пешкаши аҳли нишаст гардониданд.