Боз як мужда аз ноҳияи Деваштич
Деваштич, 21.05.2016. /АМИТ Ховар/. Дар вилояти Суғд кирмакпарварони боз як ноҳия ба ҷамъоварии пилла оғоз намуданд. Тавре ки ба АМИТ Ховар масъулин аз идораи “Пилла”-и Суғд хабар доданд, дирӯз кирмакпарварони ноҳияи Деваштич низ ба маъракаи пилласупори шурӯъ намуданд. Дар рӯзи нахустин ба нуқтаҳои қабул беш аз 3,5 тонна пиллаи хушсифат ворид гардид. Он рӯз роҳбарияти ноҳия ва намояндагон аз Идораи пиллаи ҷумҳурӣ ва вилоятӣ дар вазъи тантанавӣ ба як гурӯх кирмакпарварони пешсаф, ки барои рӯёнидани ин ашёи муҳими саноатӣ саҳми арзанда гузоштанд, туҳфаҳои хотиравӣ тақдим намуданд. Кирмакпарварони деҳаҳои Яхтану Хуштоири мухлон, Бахту Лолазор ва Хуҷатоир дар умум аз ҳар қуттӣ аз 45 то 80 килограммӣ пилла гирифтанд.
Ба иттилои манбаъ, дар ноҳия кирмакпарварӣ асосан дар ҷамоатҳои Яхтану Ғазантарак ва шаҳраки Ғончӣ ба роҳ монда шуда, дар умум соли равон мувофиқи дурнамо аз ҷониби кирмакпарварони ноҳия бояд, ки 8,5 тонна пилла истеҳсол гардад.
Бояд гуфт, ки имсол кирмакпарварони вилояти Суғд парвариши 14 ҳазору 622 қуттӣ кирмаки навъи чиниро ба роҳ монда, нақша доранд 658 тонна пилла ҷамъоварӣ намоянд. Шурӯъ аз 28 апрел дар се минтақаҳои вилоят- ноҳияҳои Конибодом, Спитамен ва Б.Ғафуров супоридани пилла оғоз гардида, то имрӯз ба хирмани вилоят дар маҷмӯъ наздик ба 300 тонна пилла супорида шудааст.
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
