Чорабинии фарҳангии «Родмардони Ватан » дар КМТ

Душанбе, 7.05.2016 /АМИТ «Ховар»/. Дирӯз, дар Китобхонаи миллии Тоҷикистон ба ифтихори 71 солагии Рӯзи Ғалаба чорабинии фарҳангии «Родмардони Ватан» доир гардид, ки дар он беш аз 30 нафар ҷанговарони интернатсионалист ва бартарафсозони оқибатҳои фоҷеаи Чернобел иштирок намуданд.
Дар рафти баргузории чорабинӣ иштирокчиёни Ҷанги дуюми ҷаҳон хотироти хешро аз он рӯзҳои даҳшатбори ҷанг ҳикояҳо карда, насли наврасро ба ватандӯстӣ даъват намуданд.
Ҳамчунин Ибодулло Қосимов муовини раиси Шӯрои собиқадорони ҷангу меҳнати ноҳияи Шоҳмансури шаҳри Душанбе доир ба 71 солагии ҷашни Ғалаба маърӯза намуда иброз дошт, ки ҳоло дар ҷумҳурӣ 630 нафар иштирокчиёни Ҷанги дуюми ҷаҳон ба қайд гирифта шудаанд.
Дар охир кормандони Китобхонаи миллӣ доир ба ҶДҶ порчаҳои шеърӣ қироат намуданд.