Дар садамаи нақлиётии автобус дар Ҳиндустон 13 нафар ҳалок ва беш аз 50 тан маҷрӯҳ шуданд
Душанбе, 05.05.2016 / АМИТ« Ховар »/. Дар натиҷаи аз пули хурде афтидани автобуси хусусӣ дар иёлати Чхаттисгархи маркази Ҳиндустон дастикам 13 нафар кушта ва 53 нафари дигар ҷароҳат бардоштанд.
Дар ин бора РИА «Новости» бо истинод ба рӯзномаи «India Today» иттилоъ медиҳад.
Садамаи автобус, ки аз шаҳри Гархва ба Райпур раҳсипор буд, соати 22.30 ба вақти маҳаллӣ рух дод. Бино ба иттилои намояндаи пулис Садананд Кумар, ронандаи автобус бо кӯшиши канорагирӣ аз бархӯрд бо мототсикл, назорати идораи воситаи нақлиётро гум кард, ки дар натиҷа автобус ба дарёи хушкшуда афтода, якчанд маротиба чаппа шудааст.
Аз сабаби зиёд будани воситаҳои нақлиёт, шароити бади роҳҳо ва ҳаракати бетартиби мошинҳо дар Ҳиндустон садамаҳои зиёди нақлиётӣ рух медиҳанд.
Бино ба иттилои Созмони Байналмилалии Беҳдошт ҳар сол дар натиҷаи садамаҳои нақлиётӣ дар роҳҳои кишвар беш аз 200 ҳазор нафар ба ҳалокат мерасанд.
Имрӯз дар шаҳри Душанбе ҳаво то 33 дараҷа гарм мешавад
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
