Дар Қурғонтеппа ҳамоиши мототсиклронон ва велосипедронон барпо гардид

Қурғонтеппа, 20.05.2016 /АМИТ Ховар/.   Дар маркази вилояти  Хатлон- шаҳри Қурғонтеппа  ҳамоиши     ҷавонони  вилоят  дар  майдони ба номи  Исмоили  Сомонӣ  баргузор гардид. Дар ҳамоиш  зиёда  аз  12  ҳазор  ҷавонони навоҳии Дӯстӣ, Ҷайҳун, Балхӣ, Сарбанд, Вахш, Бохтар  ва  Қурғонтеппа  ширкат  намуданд.
Ҳамоиши  мазкур  дар доираи  корҳои  фаҳмондадиҳӣ  оид  ба  баргузори  раъйпурсии  умумихалқӣ    аз  тарафи  Раёсати  кор бо ҷавонон, варзиш ва  сайёҳии  вилояти Хатлон гузаронида  шуд.
Муовини раиси вилояти Хатлон Махфират  Хидирзода  ва  муовини  раиси Кумитаи   ҷавонон, варзиш  ва  сайёҳии назди Ҳукумати  Ҷумҳурии  Тоҷикистон Ҳабибулло  Амирбекзода  оид ба  ворид  кардани тағйиру  иловаҳо ба Конститутсияи (Сарқонуни)  Ҷумҳурии  Тоҷикистон   маълумот доданд.