Дар Ёвон гурӯҳҳои тарғиботию ташвиқотӣ таъсис ёфтанд

Ёвон, 11.05.2016 /АМИТ «Ховар»/. Мақомоти иҷроияи ҳокимияти давлатии ноҳияи Ёвон бо мақсади тақвият бахшидан ба корҳои тарғиботию ташвиқотӣ вобаста ба баргузории раъйпурсиии умумихалқӣ ва моҳияти тағйиру иловаҳо ба Конститутсияи Ҷумҳурии Тоҷикистон аз ҳисоби кормандони мақомоти иҷроияи ҳокимияти давлатии ноҳия ва роҳбарони ташкилоту муассисаҳои ноҳиявӣ гурӯҳҳои тарғиботию ташвиқотӣ таъсис дод. То ба имрӯз зиёда аз 98 маротиба бо иштироки фаъолон, аҳли ҷамоат, сокинони деҳаҳо ва кормандони ташкилоту муассисаҳои ҳудуди ҷамоатҳои шаҳраку деҳоти ноҳия, донишҷӯёни литсейҳои касбӣ, коллеҷи тиббию кормандони шуъбаи маориф, сарварони муассисаҳои томактабӣ ва кормандони соҳаи тиб вохӯриҳои судманд доир гардиданд.
Ҳамчунин дар ин муддат 12 маротиба тариқи радиои маҳаллӣ маводи дахлдор пахш намуда ва 102 адад шиору овезаҳо дар ҷамоатҳои шаҳраку деҳот овехта шудаанд. Мақомоти иҷроияи ҳокимияти давлатии ноҳияи Ёвон дар ин самт корҳои тарғиботиву ташвиқотиро дар байни аҳолӣ идома дода, кӯшиш ба харҷ дода истодаанд, ки ин маъракаи муҳими сиёсӣ дар ноҳия дар сатҳи баланд баргузор гардад.