ДДХ бо 92 медал дар Спартакиада мақоми аввалро соҳиб шуд

Душанбе, 4.05.2016. /АМИТ «Ховар»/. Дар Қасри варзиши шаҳри Хуҷанд маросими ҷамъбастии Спартакиадаи донишҷӯёни мактабҳои олии вилояти Суғд, ки як моҳ идома кард, натиҷагирӣ шуд.
Дар бозиҳои варзишии Спартакиада 506 нафар донишҷӯ, аз ҷумла 177 нафар духтар аз 7 мактаби олӣ иштирок намуда, аз намудҳои баскетбол, дзюдо, гӯштингирӣ, гӯштини тарзи озод, футболи хурд, варзиши сабук, таэквандо, тенниси рӯи миз ва шоҳмот қувваозмоӣ намуданд.
Дар натиҷа ҷойи аввалро бо гирифтани 49 медали тилло, 27 медали нуқра ва 16 медали биринҷӣ донишҷӯёни Донишгоҳи давлатии Хуҷанд ба номи академик Бобоҷон Ғафуров соҳиб гардиданд. Бо гирифтани 13 медали тилло, 22 медали нуқра ва 28 медали биринҷӣ ҷои дуюм насиби донишҷӯёни Донишгоҳи давлатии ҳуқуқ, бизнес ва сиёсати Тоҷикистон ва бо гирифтани 10 медали тилло, 20 медали нуқра ва 30 медали биринҷӣ ҷои сеюмро донишҷӯёни Донишкадаи политехникии Донишгоҳи техникии Тоҷикистон ба номи М. Осимӣ соҳиб шуданд.
Ба ғолибони Cпартакида ҷом ва туҳфаҳои хотиравӣ тақдим шуданд.