Деҳаи наздики Ал-Фаллуҷи Ироқ аз ҷангиёни ДИ озод гардид

Душанбе, 25.05.2016 /АМИТ «Ховар»/. Неруҳои амниятии Ироқ деҳаеро  воқеъ дар даромадгоҳи шарқии  шаҳри Ал-Фаллуҷ аз дасти неруҳои гурӯҳи террористии ба ном «Давлати исломӣ» озод намуданд,-иттилоъ медиҳад  шабакаи телевизионии  Ал Sumaria  бо истинод ба изҳороти фармондеҳи неруҳои пулиси федералии Ироқ Раид  Шокир Ҷавдат.
«Неруҳои  федералии пулиси Ироқ  деҳаи Хасуат Ал-Асилро, ки дар даромадгоҳи шарқии Ал-Фаллуҷ ҷойгир аст,  озод карданд», —  гуфта мешавад дар изҳороти Ҷавдат.
«Неруҳои  федералии пулиси Ироқ бо мақсади озод намудани минтақаҳои дигари  шаҳри Ал-Фаллуҷ ҳаракатро идома медиҳанд», — афзуд ӯ.