Гулистон: Баргузории мусобиқаи варзишӣ байни кӯдакону наврасон
Гулистон, 07.05.2016 /АМИТ Ховар/. Бахшида ба 71-солагии Рӯзи Ғалаба ва ҷашни Ваҳдати миллӣ дар шаҳри Гулистони вилояти Суғд чемпионати кушоди даставӣ оид ба каратэ-до дар намуди годзю-рю байни кӯдакону наврасон доир гашт. Дар мусобиқоти мазкур, ки бо ташаббуси Федерасияи карате-до-и ҷумҳурӣ ва мактаби варзишии бачагон ва наврасони шаҳри Гулистон баргузор гардид, зиёда аз 100 нафар кӯдакону наврасон ширкат намуданд.
Мақсад аз роҳандозӣ намудани мусобиқа ҷалб намудани ҷавонону наврасон ба варзиш ва бурдани тарзи ҳаёти солим мебошад.
Тавре сардовари мусобиқа Темурхон Қаюмов ба АМИТ «Ховар» хабар дод, дар мусобиқа кӯдакону наврасони аз синни 6 то 16 сола аз шаҳрҳои Хуҷанд, Бӯстон, Гулистон, ноҳияи Б. Ғафуров ва шаҳраки Сирдарё иштирок намуданд.
Мусобиқаи варзишӣ тӯли ду рӯз давом карда, се ҷои ифтихорӣ насиби дастаи шаҳри Хуҷанд гардид.
Дар анҷом ғолибони мусобиқа бо Ҷом, медал, ифтихорнома ва туҳфаҳои хотиравӣ сарфароз гардиданд.
Имрӯз дар ноҳияҳои алоҳидаи Тоҷикистон чангу ғубор ба амал меояд
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
DEEPFAKE ҲАМЧУН ТАҲДИДИ НАВИ АМНИЯТИ ИТТИЛООТӢ. Назари мутахассис дар ин мавзуъ
«МЕГАФОН ТОҶИКИСТОН»: Ду роҳи ҳал барои истифодабарандагони интернет
АМНИЯТИ ЗЕҲНИ СУНЪӢ ВА ДУРНАМОИ РУШДИ ОН ДАР ТОҶИКИСТОН. Мутахассис ин мавзуъро шарҳ медиҳад
