Хатлон: барномаи ҳунарии ду ноҳия ба «Андалеб-2016» роҳхат гирифтааст
Душанбе, 07.05.2016./АМИТ«Ховар»/. Фестивал-озмуни ҷумҳуриявии телевизионии эҷодиёти халқ «Андалеб-2016», ки бахшида ба 25-солагии Истиқлолияти давлатии Ҷумҳурии Тоҷикистон роҳандозӣ гардидааст, дар шаҳру навоҳии вилояти Хатлон идома дорад ва то имрӯз дар ноҳияҳои Хуросон, Абдураҳмони Ҷомӣ, Дустӣ ва шаҳри Қурғонтеппа доир гардидааст.
Ин навбат дар боғи фарҳангию фароғатии ба номи Раҳмон Мурчаеви шаҳр санъаткорони шаҳри Қурғонтеппа дар Фестивал-озмун ҳунарнамоӣ карда, ҳунарҳои бадеӣ халқиро, ки дастовардҳои 25 соли Истиқлолияти давлатии Ҷумҳурии Тоҷикистонро дар бар мегирифт, ба намоиш гузоштанд, ки аз пешниҳоди сару либоси миллӣ, навозиши умумии «Субҳи Хатлон», рақси якка, суруди «Ватан», саҳначаи ҳаҷвии «Дугонаҳо» ва ҳолати ободонии муассисаҳои фарҳангӣ, дар маҷмӯъ аз 12 бахшҳои гуногуни ҳунарӣ иборат буд.
Тавре ки Бурҳониддин Раҷабов, сардори Раёсати фарҳанги вилоят зикр намуд, дар шаҳру ноҳияҳои вилоят Фестивал-озмун ҷараён дошта, беҳтарин ҳунармандон ба озмуни ҷумҳуриявӣ роҳхат мегиранд ва то имрӯз аз миёни санъаткорони 25 шаҳру ноҳияи вилоят барномаи ҳунарии ду ноҳия ба озмуни ҷумҳуриявӣ роҳхат гирифтааст.
Дар ин бора аз Раёсати фарҳанги вилояти Хатлон иттилоъ доданд.
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
