И.Қосимзода: Нисбат ба шахсияти якдигар эҳтиром бояд дошт

Душанбе, 31.05.2016. /АМИТ «Ховар»/. Масъалаи эҳтиром  нисбат ба  шахсияти якдигар, ҳурмату эҳтиром нисбат ба аъзои оила ва эҳтиром нисбат ба калонсолон, собиқадорон ва фаъолони ҷомеа зимни мулоқоти раиси Кумитаи кор бо занон ва оилаи назди Ҳукумати Ҷумҳурии Тоҷикистон Қосимзода Идигул Тағо бо занони хонанишини маҳаллаҳои Дарвоз, Дӯстӣ, Ором, Ҳосилоти ноҳияи Фирдавсии шаҳри Душанбе   мавриди баррасӣ қарор дода шуд.
Бино ба иттилои хадамоти матбуоти кумита, мулоқот дар муассисаи таълимии таҳсилоти миёнаи умумии №17 — и ноҳияи Фирдавсӣ баргузор гардид.
Зимни вохӯрӣ раиси Кумита Қосимзода И. Т. оид ба масъалаҳои пешгирии шомилшавии занон ва ҷавонон ба гурӯҳҳои ифротгаро, бегонапарастӣ ва дигар ҳодисаҳои номатлуби ҷомеа, иҷрои қонунҳои Ҷумҳурии Тоҷикистон «Дар бораи танзими анъана ва ҷашну маросимҳои миллӣ дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд дар Ҷумҳурии Тоҷикистон» ва дигар қонунҳои амалкунандаи ҷумҳурӣ ҳарф зад.