Инъикоси хатарҳои савдои одамон тавассути намоишномаҳои театрӣ
Душанбе, 19.05.2016/АМИТ Ховар/. Садҳо сокинони вилоятҳои Хатлон, Суғд ва Бадахшон огоҳии худро доир ба хатарҳои савдои одамон дар чаҳорчӯбаи як силсила намоишномаҳои театрӣ, ки аз ҷониби ҳунарманди шинохтаи Ҷумҳурии Тоҷикистон Аловуддин Абдуллоев ва гурӯҳи ӯ таҳия мешавад, боло мебаранд. Нахустин намоиш аз ин силсила фардо, 20-уми май дар шаҳри Қурғонтеппа баргузор мегардад.
Ин силсилаи намоишномаҳои театрӣ дар чаҳорчӯбаи Лоиҳаи Агентии рушди байналмилалии Амрико /USAID/ оид ба шаъну эътибор ва ҳуқуқҳо баргузор мегардад. Лоиҳаи мазкурро Созмони Байналмилалии Муҳоҷират (СБМ) амалӣ менамояд.
Се намоишномаи театрӣ доир ба ҳуқуқи инсон ва мубориза бар зидди савдои одамон бинандагонро бо мушкили савдои одамон шинос карда, доир ба роҳҳои эмин нигаҳ доштани худ ва оилаву дӯстон аз занҷираҳои макри ҷинояткорон маълумот медиҳад. Гуфта мешавад, ки намоишномаҳо мушкилоти мубрами навъҳои ҳозираи савдои одамон ва мубориза бо онро тасвир мекунанд. Даромад ба намоишномаҳо озод мебошад.
Ҳадафи умумии лоиҳа баланд бардоштани огоҳии мардум, махсусан, муҳоҷирони корӣ доир ба ҳуқуқашон ва тавонмандсозии ҷомеаи шаҳрвандӣ ҷиҳати саҳмгузорӣ дар ҳимояи ҳуқуқи инсон, ҳуқуқи муҳоҷирон, муҳоҷирони эҳтимолӣ ва аҳли оилаи онҳо ва дар маҷмӯъ, ҳуқуқи аҳолӣ мебошад.
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
Имрӯз дар баъзе ноҳияҳои Тоҷикистон борони кӯтоҳмуддат меборад
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
