Конфронси ҷумҳуриявӣ ба ифтихори ҷашни 25-солагии Истиқлолияти давлатӣ

Душанбе, 05.05.2016/АМИТ «Ховар»/.Ба ифтихори ҷашни 25-умин солгарди Истиқлолияти давлатии Ҷумҳурии Тоҷикистон Хадамоти гумруки назди Ҳукумати Ҷумҳурии Тоҷикистон тасмим гирифтааст, ки моҳи июн дар Душанбе дар мавзӯи «Рушди мақомоти гумрук дар даврони истиқлолияти давлатии Ҷумҳурии Тоҷикистон» конфронси илмӣ- амалии ҷумҳуриявиро доир намояд.
Аз Хадамоти гумрук ба АМИТ «Ховар» иттилоъ доданд, ки дар конфронс масоили марбут ба татбиқи сиёсати гумрукии Ҷумҳурии Тоҷикистон, такмили пояҳои ҳуқуқии фаъолияти гумрукӣ дар Ҷумҳурии Тоҷикистон, ташкили мубориза бо ҳуқуқвайронкуниҳои гумрукӣ , истифодаи технологияҳои нав дар фаъолияти гумрукӣ, ташхис дар фаъолияти гумрукӣ, ташкили назорати гумрукӣ ва фаъолияти фискалии мақомоти гумрук ва ҳамкории байналмилалии гумрукӣ матраҳ мегарданд.