Лахш: Корҳои таблиғотию ташвиқотӣ оид ба райъпурсӣ идома доранд

Лахш, 6.05.2016 /АМИТ «Ховар»/. Дар ноҳияи Лахш барои дар сатҳи зарурӣ баргузор намудани маъракаи раъйпурсии умумихалқӣ, ба роҳ мондани корҳои таблиғотию ташвиқотӣ, омодагӣ ва муҳайё намудани шароит дар ҳавзаю участкаҳои раъйпурсӣ, таъмини иштироки фаъолонаи овоздиҳандагон дар ҷараёни раъйпурсӣ чораҳои дахлдор ба роҳ монда шудаанд.
То имрӯз тамоми участкаҳои раъйпурсӣ бо маводу таҷҳизоти муҳими сиёсӣ таъмин шуда, аз тарафи комиссияҳои дахлдор тартиб додани рӯйхати овоздиҳандагон ба анҷом расонида шудааст. Аз тарафи аъзо ва масъулини Комиссияи марказии интихобот ва раъйпурсии Ҷумҳурии Тоҷикистон бо ҳайати комиссияи ҳавзавию участкавии раъйпурсии ноҳия, раисон ва котибони ҷамоатҳои шаҳраку деҳот ва кормандони масъули Мақомоти иҷроияи ҳокимияти давлатии ноҳия семинари омӯзишӣ доир карда шуд.