Маҳфили «Занон дар шоҳроҳи Ваҳдат» дар Роштқалъа

Қурғонтеппа, 26.05.2016 /АМИТ Ховар/.  «Корвони  Ваҳдат», ки аз  вилояти  Хатлон  ба  Бадахшон омадааст, тайи ду рӯз аст    дар  шаҳру  навоҳии  Бадахшон чорабиниҳои фарҳангӣ  ва   силсилавохӯриҳоро  бо  мардум баргузор мекунад. Ҳамзамон  намоиш  ва  фурӯши маҳсулоти кишоварзӣ  ба  роҳ  монда  шудааст.
Тавре  аз  шуъбаи иттилоотӣ-таҳлилии  дастгоҳи раиси  вилояти Хатлон иттилоъ  доданд,  айни замон  корвон  дар роҳ буда,  ба  самти  ноҳияи  Роштқалъа  ҳаракат мекунад.  Дар назар  аст, ки  дар нимаи дуюми рӯз  дар  он ҷо  барномаи  консертӣ   ва маҳфили   «Занон  дар шоҳроҳи Ваҳдат»  баргузор гардад.