Масрурро аз ғарқшавӣ наҷот доданд
Душанбе, 25.05.2016 /АМИТ «Ховар»/. Масрур Давлатови 20 сола, рўзи 24 май дар дарёи Сир ҳангоми оббозӣ ба ҳолати ғарқшавӣ дучор шуд.
Баъди гирифтани хабари фаврӣ, наҷотдиҳандагони Ситод оид ба ҳолатҳои фавқулода ва мудофиаи граждании шаҳри Хуҷанд, ки дар наздикии ин мавзеъ гурўҳи навбатдорӣ ташкил намудаанд, ба ҷойи ҳодиса сафарбар гаштанд. Ғаввосони Ситод оид ба ҳолатҳои фавқулода ва мудофиаи граждании шаҳри Хуҷанд бо истифода аз лавозимоти соҳавӣ зери об даромада, бо кӯшишу заҳматҳои зиёд, аз ҳолати ғарқшавӣ истиқоматкунандаи деҳаи Хушекати ноҳияи Айнӣ Масрур Давлатовро наҷот медиҳанд.
Наҷотдиҳанда Динис Волнишков, ки яке аз ғаввосони фаъоли Ситод оид ба ҳолатҳои фавқулодаи шаҳри Хуҷанд мебошад, Масрурро аз ғарқшавӣ наҷот дод. Ба иттилои сардори Ситод оид ба ҳолатҳои фавқулода ва мудофиаи граждании вилояти Суғд полковник Баҳром Додов, ҳамасола дар ин мавзеъ даҳҳо нафар ба ҳолати ғарқшавӣ дучор мегарданд ва маҳз аз ин лиҳоз ташкили гурўҳӣ навбатдорӣ дар мавзеъ пеши роҳи ҳодисаҳои нохуши ғарқшавиро мегирад.
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
