Мулоқоти сафир бо шаҳрвандони Тоҷикистон дар Арабистони Саудӣ
Душанбе, 12.05.2016 /АМИТ «Ховар»/. Дар шаҳрҳои Риёз ва Мадинаи Мунаввара вохӯрии Сафири Ҷумҳурии Тоҷикистон Заробиддин Қосимӣ бо донишҷӯёни донишгоҳҳо ва теъдоде аз муҳоҷирони меҳнатӣ- шаҳрвандони Ҷумҳурии Тоҷикистон баргузор гардид.
Сафир доир ба пешрафту тараққиёти Тоҷикистон дар солҳои охир сухан гуфта, ҳозиринро бо ҳадафҳои стратегии Ҳукумати Ҷумҳурии Тоҷикистон барои давраи оянда, ки ба баланд бардоштани сатҳи зиндагии мардуми кишвар равона шудаанд, шинос кард.
Зимнан атрофи моҳияти маъракаи муҳими сиёсии дарпешистода раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон гуфтугӯйи судманд сурат гирифт. Ҳамзамон ҳозирин бо маводи вобаста ба раъйпурсӣ шинос карда шуданд.
Даъват карда шуд, ки рӯзи 22 май барои овоздиҳӣ ба участкаҳои раъйпурсӣ омодашуда биёянд ва дар ин маъракаи муҳими сиёсӣ иштироки фаъол намоянд.
Зимни суҳбати озод ҳозирин ба диққати бештар додан ба омӯхтани касбу ҳунарҳо ва илмҳои муосир, забонҳои хориҷӣ ва технологияҳои нав, канорагирӣ намудан аз алоқамандӣ ба ҳар гуна равандҳои ифротию тундгароӣ, риояи талаботи қонунгузории Тоҷикистон ва кишвари иқомат, бо рафтору одоби шоиста муаррифӣ намудани мардуми тоҷик ва фарҳангу тамаддуни он, ҳамчунин таҳким бахшидан ба робитаҳои худ бо сафорат роҳнамоӣ карда шуданд.
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
