Нақшаи бунёди боғ барзиёд иҷро гардид
Душанбе,5.05.2016 /АМИТ «Ховар»/. Баҳри амалигардонии Қарори Ҳукумати Ҷумҳурии Тоҷикистон «Дар бораи Барномаи рушди соҳаи боғу токпарварӣ дар Ҷумҳурии Тоҷикистон барои солҳои 2016-2020» соли равон дар ҷумҳурӣ 4 ҳазору 81 гектар боғу токзори нав, аз ҷумла 3 ҳазору 545 гектар боғ, 536 гектар токзор ва 1 ҳазору 730 гектар дар заминҳои талу теппаҳои бо намӣ таъминбуда бунёд карда мешавад.
Тибқи маълумоти фаврии Раёсати растанипарварии Вазорати кишоварзии Ҷумҳурии Тоҷикистон то 30 апрели соли равон боғпарварони ҷумҳурӣ дар майдони 4 ҳазору 420 гектар боғу токзори нав бунёд намудаанд, ки баробари 108,3 фоизи нақша мебошад. Аз майдони умумии боғу токзори нав 3946,2 гектарро боғ ва 473 гектарро токзор ва майдони 711 гектарро боғу токзор дар заминҳои бо намӣ таъмин ташкил медиҳанд.
Инчунин тибқи нақша имсол дар ҷумҳурӣ бояд дар майдони 56 гектар боғҳои интенсивӣ бунёд карда шаванд. Боғпарварони ҷумҳурӣ то 30 апрел дар майдони 3446 гектар боғҳои интенсивӣ бунёд намудаанд, ки ин 61,5 фоизи нақшаро ташкил медиҳад.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
