Паҳлавонҳои дзюдои ҷаҳон дар Боку ҷамъ меоянд

Душанбе, 6.05.2016 /АМИТ «Ховар»/. 6-8 май дар шаҳри Бокуи Озарбойҷон мусобиқаи байналмилалии дзюдо «Grand slam» («Тоскулоҳи бузург») бо ширкати 519 паҳлавон аз 82 кишвари ҷаҳон ҷараён мегирад, ки дар он паҳлавонони Тоҷикистон низ дар ҳайати Муҳаммадмурод Абдураҳмонов, Саидҷалол Саидов ва Фарҳод Раҳимов иштирок доранд. Маблағи ҷоизавии ин мусобиқа 154 000 доллари амрикоиро ташкил медиҳад. Паҳлавонон дар вазнҳои 60, 66, 73, 81, 90, 100, +100 кило ҳунарнамоӣ мекунанд.
Аз рӯи қуръакашӣ Фарҳод Раҳимов дар вазни то 81 кило рӯзи 7 май дар даври аввал бо Карлос Луз (Португалия) қувваозмоӣ хоҳад кард. Ғолиби ин ҷуфтро Яромир Мусил (Ҷумҳурии Чех) интизор аст.
Саидҷалол Саидов дар вазни то 100 кило бо Рафаэл Бузагарини (Бразилия) ва Муҳаммадмурод Абдураҳмонов дар вазни беш аз 100 кило бо Мичел Ҳорак (Ҷумҳурии Чех) вориди рақобат мешаванд.
Мусобиқа дар байни занон низ гузаронида мешаванд.
Аз рӯи натиҷаи мусобиқа паҳлавонҳо имтиёзҳои олимпии Бозиҳои Рио- 2016 ро сазовор мегарданд.