Сарбанди кӯли сунъии Барсем кушода шуд
Душанбе, 11.05.2016 /АМИТ «Ховар»/. Имрӯз дар деҳаи Барсеми ҷамоати деҳоти Сучони ноҳияи Шуғнон сарбанди кӯли сунъӣ, ки моҳи июли соли 2015 дар натиҷаи омадани сел ба вуҷуд омада буд, кушода шуд. Ин тадбир ба хотири паст кардани сатҳи оби кӯли сунъӣ ва аз байн бурдани хатари он роҳандозӣ шуд. Дар сурати гарм шудани ҳаво ва эҳтимоли такрории чунин ҳодиса оби кӯл зиёд гардида, ба Нерӯгоҳи барқи обии «Помир-1» метавонист таъсири манфӣ расонад.
Ёдовар мешавем, ки гармшавии аз меъёр зиёди ҳаво дар моҳи июли соли гузашта боиси фаромадани сел гардида, пеши рӯдхонаи Ғунд баста шуд ва кӯли сунъиро ба вучуд овард. Бар асари ин ҳодисаи табиӣ 82 хона пурра хароб гардида, чанд манзили истиқоматӣ низ зарар диданд. Инчунин зиёда аз 2 километр роҳи мошингарди дорои аҳамияти байналмилалии масири Даровз-Хоруғ-Мурғоб пурра хароб гардид. Бо кӯмаки Ҳукумати Ҷумҳурии Тоҷикистон ва дастуру супоришҳои бевоситаи Пешвои миллат муҳтарам Эмомалӣ Раҳмон сокинони зарардида аз рӯзҳои аввали сар задани ин ҳодисаи табиӣ таҳти ғамхории бевосита фаро гирифта шуда, дар кӯтоҳтарин муддат дар як макони бехавф бо манзилҳои зист таъмин карда шуданд, ки имрӯз ин деҳа Раҳмонобод номгузорӣ шудааст.
Дар Шаҳринав даври ноҳиявии озмуни «Кадбонуи беҳтарин» доир гардид
Имрӯз дар водиҳои Тоҷикистон ҳаво то 30 дараҷа гарм мешавад
Имрӯз дар шаҳри Душанбе ҳаво то 21 дараҷа гарм мешавад
Имрӯз дар ноҳияҳои алоҳидаи Тоҷикистон чангу ғубор ба амал меояд
Имрӯз дар Тоҷикистон ҳавои тағйирёбандаи бебориш дар назар аст
Дар шаҳри Душанбе дарси маҳорати байналмилалӣ оғоз гардид
Дар ноҳияи Рӯшон кишти баҳорӣ оғоз гардид
Имрӯз дар Тоҷикистон бориши борон пешгӯӣ мешавад
Имрӯз дар Тоҷикистон чангу ғубор ба амал меояд
Форуми байналмилалии ҳамкорӣ ба хотири рушди устувор Тоҷикистонро чун давлати дорои иқтисоди сабз ва рақамӣ муаррифӣ менамояд
«МегаФон Life»: чӣ тавр аз Русия метавон бо манфиат занг зад
«ТОҶИКОНА МЕПӮШЕМ!». Занону духтарони шаҳри Турсунзода тарғибгари либоси миллӣ мебошанд
