Суғд: «Хушдилон ва ҳозирҷавобон» миёни мактабиён доир гардид

Хуҷанд, 5.05.2016 /АМИТ «Ховар»/. Бо мақсади дарёфти чеҳраҳои нави ҷавонони эҷодкор ва ба ин васила мустаҳкам намудани дӯстиву рафоқат байни мактабиён, бори нахуст бо дастгирии Раёсати маорифи вилояти Суғд ва иқдоми Маркази таҳсилоти иловагии вилоят даври аввали озмуни вилоятии «Хушдилон ва ҳозирҷавобон» миёни мактабиён доир гардид.
Дар озмун дастаҳо аз мактабҳои шаҳру ноҳияҳои Хуҷанд аз рӯи се бахш байни ҳам қувваозмоӣ намуданд.
Дар ҷамъбаст бо гирифтани 14 хол мактаби хусусии ғайридавлатии «Гулчини маърифат»-и шаҳри Хуҷанд ҷойи якумро ба даст овард ва зинаҳои баъдиро мактаби хусусии ғайридавлатии «Паймони азизон»-и шаҳри Хуҷанд, мактаб- гимназияи № 1 -и шаҳри Бӯстон, мактаби таҳсилоти миёнаи умумии № 16 шаҳри Хуҷанд, гимназияи № 1-и ноҳияи Бобоҷон Ғафуров, мактаби таҳсилоти миёнаи умумии № 3 ноҳияи Спитамен ишғол намуданд.
Ҳамаи иштирокдорон барои иштироки фаъолона дар давраи якуми озмун бо сипосномаи сардори Раёсати маорифи вилоят қадрдонӣ шуданд.