Танини «Суруди сарбоз» дар «Боғи Ирам»
Душанбе, 9.05.2016 /АМИТ “Ховар”/. 7 май бо дастгирии Ҳукумати Ҷумҳурии Тоҷикистон ва ташаббуси Кумитаи ҷавонон, варзиш ва сайёҳӣ дар доираи чорабиниҳои «20 рӯзи ҷавонӣ» дар маҷмааи Амфитеатри «Боғи Ирам»-и шаҳри Душанбе бахшида ба Рӯзи ҷавонони Тоҷикистон таҳти унвони «Ҷавонон пайрави Пешвои миллат ва муҳофизони дастовардҳои 25 соли Истиқлолияти давлатии Ҷумҳурии Тоҷикистон» Фестивали ҷумҳуриявии сурудҳои ватандӯстонаи «Суруди сарбоз» баргузор гардид.
Мавсума Муинӣ, муовини якуми раиси Кумитаи ҷавонон, варзиш ва сайёҳӣ ҳозиринро бо ҷашнҳои дарпешистода, аз ҷумла 71-умин солгарди Рӯзи Ғалаба дар Ҷанги дуюми ҷаҳон ва Рӯзи ҷавонони Тоҷикистон табрик намуд. «Имрӯзҳо бо дастгирии давлату Ҳукумати кишвар, бахусус Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон ҷавонони ватандӯсту худшинос ва сарбозону афсарони далеру шуҷои Ватан дар таҳкими Ваҳдати миллӣ ва ҳимояи марзу буми кишвар хизмати арзандаю содиқонаи хешро адо намуда, баҳри пешрафти Тоҷикистони азиз саҳми арзанда гузошта истодаанд. Ташкил ва баргузории чунин фестивалҳо баҳри боз ҳам баланд гардидани ҳисси ватандӯстиву ватанпарастии афсарону сарбозон ва ҷавонон, эҳтиром ба рамзҳои давлатӣ ва ҳамеша омода будан барои муҳофизати Ватани хеш мусоидат менамояд»- иброз дошт М. Муинӣ.
Сипас фестивалро сарбозону афсарони Гвардияи миллӣ бо намоиши машқи ҳарбӣ таҳти навозиши оркестри нафасии зинда оғоз намуданд.
Кулли иштирокчиёни фестивал бо ҳисси баланди ватандорӣ сурудҳои ватандӯстонаи худро пешкаши ҳозирин гардонида, ба чорабинӣ ҳусни тоза зам намуданд.
Дар охир ба иштирокчиёни фаъоли фестивали мазкур аз ҷониби ташкилкунандагони чорабинӣ Сипонснома ва дигар тӯҳфаҳои хотиравӣ тақдим карда шуд.
Хотиррасон менамоем, ки ҳамчунин дар фарҷоми фестивал натиҷаҳои мусобиқаи ҳарбӣ-варзишии тирпарронӣ, ки бо ташаббуси Кумита дар ҳамбастагӣ бо сохторҳои қудратӣ рӯзи 5 май доир шуда буд, ҷамбаст ва ба ғолибони он ҷоизаву тӯҳфаҳо супорида шуд.
Бо мақсади тақвияти рушди содирот ба бозори ҷаҳонӣ бо хоҷагидорони ноҳияи Ҷайҳун вохӯрӣ доир шуд
ДАРАХТ БИНШОН! Дар Ишкошим 300 бех ниҳоли гуногуни мевадиҳанда шинонида шуд
Дар шаҳри Бӯстон бо сокинони маҳаллаи «Ғалаба» мулоқоти судманд баргузор гардид
Ба воҳидҳои Кумитаи ҳолатҳои фавқулода ва мудофиаи граждании Тоҷикистон техникаи нав супорида шуд
Имрӯз дар Тоҷикистон ҳавои абрнок пешгӯӣ мешавад
Дар Донишгоҳи давлатии ҳуқуқ, бизнес ва сиёсати Тоҷикистон доир ба ҳифзи арзишҳои миллӣ ҳамоиш доир шуд
Дар Вашингтон дар назди мактаб тирпаронӣ ба амал омад
Гурӯҳи кории Кумитаи меъморӣ ва сохтмони Тоҷикистон дар шаҳрҳои Дубай ва Давҳа табодули таҷриба намуд
Ҳамкории байналмилалии Донишгоҳи технологии Тоҷикистон бо шарикон тақвият меёбад
Дар Кения шумораи бар асари бориши зиёд ҳалокшудагон аз 200 нафар гузашт
Маркази тадқиқоти стратегии Тоҷикистон ҳамкориро бо Пажуҳишгоҳи нидерландии «Клингендаел» тавсеа мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
