Тасдиқи фармонҳои Президенти кишвар аз ҷониби аъзои Парлумон
Душанбе, 05.05.2016 /АМИТ «Ховар»/. Як қатор Фармонҳои Президенти Ҷумҳурии Тоҷикистон Эмомалӣ Раҳмон аз 27 январ ва 30 марти соли 2016 вобаста ба масоили тағйироти кадрӣ дар Ҳукумати кишвар, имрӯз дар ҷараёни ҷаласаи якҷояи сеюми Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати панҷум, ки дар шаҳри Душанбе баргузор гардид, тасдиқ шуданд.
Аъзои палатаи болоии Парлумони кишвар ва вакилони Маҷлиси намояндагон фармонҳои Президенти Ҷумҳурии Тоҷикистонро дар бораи аз вазифаи муовини Сарвазири кишвар озод намудани Марҳабо Ҷабборӣ бинобар расидан ба синни нафақа, озод намудани Зокирзода Мамадтоир Зоир аз вазифаи вазири кишоварзӣ бо сабаби гузаштан ба вазифаи дигар, инчунин озод намудани Акбар Ятимзода аз вазифаи раиси Кумитаи давлатии идораи замин ва геодезӣ бо сабаби гузаштан ба вазифаи дигар тасдиқ намуданд.
Ҳамзамон фармонҳои дигари Президенти кишвар аз 30 марти соли 2016 дар бораи таъйин намудани Зокирзода Мамадтоир Зоир ба ҳайси муовини Сарвазири ҷумҳурӣ, Изатулло Сатторӣ ба вазифаи вазири кишоварзии ҷумҳурӣ ва Раҷаббой Аҳмадзода ба вазифаи раиси Кумитаи давлатии идораи замин ва геодезӣ аз ҷониби аъзои Маҷлиси миллӣ ва вакилони Маҷлиси намояндагон тасдиқ карда шуданд.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
