Темурмалик: Сохтмони хобгоҳ барои 150 хонанда

Темурмалик, 5.05.2016 /АМИТ «Ховар»/. Бахшида  ба 25-солагии Истиқлолияти давлатии  Ҷумҳурии Тоҷикистон дар ноҳияи Темурмалик  хобгоҳ барои 150 хонандаи  гимназия сохта мешавад.  Бино аз се  ошёна иборат буда, дорои  57 хонаи истироҳатӣ, толори варзишӣ, ошхона ва дигар утоқҳои зарурист.  Маблағи умумии  пешбинигардида 5,5 миллион сомониро дар бар мегирад. То имрӯз  дар корҳои сохтмонӣ  4 миллиону 300 ҳазор сомонӣ масраф гардида, сифати сохтмон ба меъёр ҷавобгӯ мебошад. Дар кори сохтмон зиёда аз 30 нафар фаъолият доранд, ки  музди миёнаи маоши онҳо 1000 сомониро ташкил медиҳад.