Тренинги омӯзишӣ барои кормандони ҳифзи ҳуқуқ ва сохторҳои қудратӣ
Душанбе, 26. 05. 16. /АМИТ «Ховар»/. Аз тарафи кормандони Шуъбаи иттилоотӣ-таҳлилии Агентии назорати маводи нашъадор барои кормандони ҷузъу томҳои таҳлилии Кумитаи давлатии амнияти миллӣ (КДАМ), қӯшунҳои сарҳадии КДАМ, Вазорати корҳои дохилӣ ва Хадамоти гумрук тренинг гузаронида шуд.
Тавре ки ба АМИТ «Ховар» аз маркази матбуоти агентии мазкур хабар доданд, тренинг дар доираи таҳияи Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013-2020 бо дастгирии лоиҳаи Раёсати СММ оид ба маводи нашъаовар ва ҷинояткорӣ RER/F23 «Низоми ҳифзи ҳуқуқ баҳри ҷамъоварӣ, таҳлил ва мубодилаи маълумоти оперативӣ дар соҳаи мубориза бар зидди маводи мухаддир ташкил карда шуд.
Дар тренинг масъалаҳои ҷамъоварӣ, таҳлили муфассал ва мубодилаи маълумоти фаврӣ байни мақомоти ҳифзи ҳуқуқ ва сохторҳои қудратӣ, омӯзиши кормандон барои баланд бардоштани самаранокии мубориза бар зидди паҳншавии маводи мухаддир муҳокима гардиданд.
Барои иштирокдорон ҳамчунин муаррифинома оид ба вазъи вобаста ба маводи мухаддир дар Ҷумҳурии Тоҷикистон ва комёбиҳои лоиҳа намоиш дода шуд.
Гузаронидани тренингҳои ҳаммонанд дар ояндаи наздик дар назар аст.
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
Имрӯз дар ноҳияҳои алоҳидаи Тоҷикистон чангу ғубор ба амал меояд
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
DEEPFAKE ҲАМЧУН ТАҲДИДИ НАВИ АМНИЯТИ ИТТИЛООТӢ. Назари мутахассис дар ин мавзуъ
«МЕГАФОН ТОҶИКИСТОН»: Ду роҳи ҳал барои истифодабарандагони интернет
